ഷാർജ:- ദുബായിലെ ഏറ്റവും പുതിയ ഫ്രീ സോണായ എക്സ്പോ സിറ്റി പ്രാദേശിക -ആഗോള കമ്പനികളെ ക്ഷണിക്കുന്നു. ഇനി ദുബായിലെ പ്രാദേശികവും ആഗോളവുമായ കമ്പനികളുടെ ആസ്ഥാനമാകുവാൻ പോകുന്നത് എക്സ്പോ സിറ്റിയായിരിക്കുമെന്ന് ദുബായിലെ വിദഗ്തർ പറയുന്നു. നിരവധി ചെറുതും വലുതുമായ സ്വദേശ-വിദേശ കമ്പനികൾക്ക് ലക്ഷ്യങ്ങൾ കൈവരിക്കുവാൻ എക്സ്പോ സിറ്റി ധാരാളം അവസരങ്ങൾ ഒരുക്കിരിക്കുന്നതെന്ന് അവർ അവകാശപ്പെട്ടു.
തിങ്കളാഴ്ച രാത്രി ദുബായിൽ നടന്ന വാർത്താ സമ്മേളനത്തിൽ സംസാരിക്കവേ, 5G- പ്രാപ്തമാക്കിയ നെറ്റ്‌വർക്ക് ഉൾപ്പെടെയുള്ള മികച്ച ഓഫറുകൾ പ്രയോജനപ്പെടുത്താൻ ആഗ്രഹിക്കുന്ന ബിസിനസ്സുകൾക്ക് സിറ്റി ഒരു ഇടമായിരിക്കുമെന്ന് ദുബായിലെ ചീഫ് ഡെവലപ്‌മെന്റ് ആൻഡ് ഡെലിവറി ഓഫീസർ അഹമ്മദ് അൽ ഖത്തീബ് പറഞ്ഞു. .
എക്സ്പോ സിറ്റിയ്ക്ക് ഇതിനോടകം തന്നെ വാണിജ്യ വാടകക്കാരിൽ നിന്നും പ്രവാസി ബിസിനസുകാരിൽ നിന്നുംനല്ല ഡിമാൻഡ് കാണുന്നു. ദുബായിലെ എല്ലാത്തരം ബിസിനസുകാർക്കും എക്‌സ്‌പോയിലൂടെ വളർച്ചയുടെയും മൂല്യങ്ങളുടെയും സാധ്യതകൾ കാട്ടിക്കൊടുക്കുവാൻ കഴിയുമെന്നതിൽ ഞങ്ങൾക്ക് സന്തോഷമുണ്ട്. എക്സ്പോ പങ്കാളികളായ സീമെൻസും ഡിപി വേൾഡും എക്സ്പോ സിറ്റിയിലേക്ക് മാറാൻ പ്രതിജ്ഞാബദ്ധരാണ്, ഇതിനുള്ള നടപടികൾ ആരംഭിച്ചു കഴിഞ്ഞു,” അദ്ദേഹം പറഞ്ഞു.
നിലവിൽ ദുബായിൽ 19 ഫ്രീ സോണുകളുണ്ട്, അവിടെ നിരവധി പ്രാദേശിക, വിദേശ ,, ആഗോള കമ്പനികൾക്ക് അവരുടെ ക്ലയന്റുകളെ പരിപാലിക്കാൻസാന്നിധ്യമുണ്ട്.യു.എ.ഇ.യുടെയും മേഖലയുടെയും അഭിവൃദ്ധിയിലേക്ക് നയിക്കുന്ന ചെറുകിട ഇടത്തരം സംരംഭങ്ങളെയും (എസ്‌എംഇ) എക്സ്പോ സിറ്റി പിന്തുണയ്ക്കുമെന്ന് അൽ ഖത്തീബ് കൂട്ടിച്ചേർത്തു.എക്സ്പോ സിറ്റി താൽപ്പര്യമുള്ള കമ്പനികളെ അദ്ദേഹം ക്ഷണിച്ചു