ദുബായ് I യുഎഇ പ്രസിഡന്റ് ഷെയ്ഖ് മുഹമ്മദിന്റെ അപൂർവ ബാല്യകാല ഫോട്ടോകൾ സോഷ്യൽ മീഡിയയിൽ വൈറലാകുന്നു.ദുബായ് കിരീടാവകാശിയും പ്രധാനമന്ത്രിയുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം തിങ്കളാഴ്ച തന്റെ ഇൻസ്റ്റാഗ്രാം സ്റ്റോറികളിൽ പോസ്റ്റ്ചെയ്തചിത്രങ്ങളാണ് വൈറലായിക്കൊണ്ടിരിക്കുന്നത്.
മെയ് 13 വെള്ളിയാഴ്ച അന്തരിച്ച സഹോദരൻ ഷെയ്ഖ് ഖലീഫ ബിൻ സായിദ് അൽ നഹ്യാന്റെ പിൻഗാമിയായി ഷെയ്ഖ് മുഹമ്മദ് യുഎഇയുടെ മൂന്നാമത്തെ പ്രസിഡന്റായി ഏകകണ്ഠമായി തിരഞ്ഞെടുക്കപ്പെട്ടതിനെ തുടർന്നാണ് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം ഷെയ്ഖ് മുഹമ്മദ് ബിൻ സായിദിന്റെ സ്‌കൂളിലെ ഒരു അപൂർവ ഫോട്ടോ പങ്കിട്ടത്. കൊച്ചുഷെയ്ഖ് ഒരു ബ്ലാക്ക് ബോർഡിൽ ‘നീതിയാണ് രാജാവിന്റെ അടിത്തറ’ എന്ന വാചകം എഴുതുന്ന ഫോട്ടോയാണ് അദ്ദേഹം പങ്കു വച്ചത്.
