ഏഷ്യയുടെ ഹൃദയഭാഗത്തുള്ള ഒരു രാജ്യമാണ് താജിക്കിസ്ഥാൻ. കിഴക്ക് ചൈന, തെക്ക് അഫ്ഗാനിസ്ഥാൻ, പടിഞ്ഞാറ് ഉസ്ബെക്കിസ്ഥാൻ, വടക്ക് കിർഗിസ്ഥാൻ എന്നിവയുമായി താജിക്കിസ്ഥാൻ അതിർത്തി പങ്കിടുന്നു. പർവതങ്ങളാൽ ചുറ്റപ്പെട്ട ഈ രാജ്യം, പ്രകൃതിഭംഗിക്കും സമ്പന്നമായ ചരിത്രത്തിനും പേര്കേട്ടതാണ്.
പ്രധാന പ്രത്യേകതകൾ
പർവതങ്ങളുടെ നാട്: താജിക്കിസ്ഥാൻ്റെ ഏകദേശം 93% ഭാഗവും പർവതങ്ങളാണ്. മനോഹ രമായ പാംഗിർ പർവതനിരകൾ താജിക്കിസ്ഥാനിലാണ് സ്ഥിതി ചെയ്യുന്നത്. അതുകൊണ്ട് തന്നെ “ലോകത്തിന്റെ മേൽക്കൂര”. എന്നും ഈ പർവതനിരകൾ അറിയപ്പെടുന്നു.
ഈ പർവതങ്ങൾക്കിടയിൽ താജിക്കിസ്ഥാന്റെ തലസ്ഥാനമായ ദുഷാൻബെ സ്ഥിതിചെയ്യുന്നു. രാജ്യത്തിലെ പ്രധാന നദികളായ അമു ദര്യയും സിർ ദര്യയും ഇവിടുത്തെ പർവതങ്ങളിൽ നിന്നാണ് ഉത്ഭവിക്കുന്നത്. രാജ്യത്തിന്റെ കാലാവസ്ഥ പൊതു വെ വരണ്ടതും ഭൂഖണ്ഡാന്തര സ്വഭാ വമുള്ളതുമാണ്.
സിൽക്ക് റൂട്ടിന്റെ ഭാഗം: 
പുരാതന സിൽക്ക് റൂട്ടിന്റെ ഭാഗമായിരുന്നതിനാൽ ചരിത്ര പരമായി വളരെ പ്രാധാന്യമുള്ള ഒരു രാജ്യമാണിത്. പേർഷ്യൻ, അറബ്, മംഗോൾ ഭരണാധികാരികളുടെ സ്വാധീനം ഇവിടുത്തെ സംസ്കാ രത്തിൽ കാണാൻ കഴിയും. താജിക് ഭാഷയാണ് രാജ്യത്തിന്റെ ഔദ്യോ ഗിക ഭാഷ. ഇത് പേർഷ്യൻ ഭാഷയു മായി വളരെ സാമ്യമുള്ളതാണ്.
സമ്പദ്‌വ്യവസ്ഥ:
കാർഷിക മേഖലയാണ് താജിക്കിസ്ഥാൻ സമ്പദ്‌വ്യവ സ്ഥയുടെ പ്രധാന ഭാഗം. പരുത്തി, ധാന്യങ്ങൾ, പഴങ്ങൾ എന്നിവ യാണ് പ്രധാന കാർഷിക വിളകൾ.വൈദ്യുതി ഉത്പാദന ത്തിലും താജിക്കിസ്ഥാൻ മുൻപന്തി യിലാണ്.ജനങ്ങളുടെ ജീവിത രീതിയും സംസ്കാരവും
താജിക്കിസ്ഥാൻ ജനങ്ങളുടെ ജീവിതം അവരുടെ പ്രകൃതിയു മായും ചരിത്രവുമായും ഏറെ ബന്ധപ്പെട്ടിരിക്കുന്നു.
കുടുംബബന്ധങ്ങൾ: 
കുടുംബത്തിന് താജിക്കിസ്ഥാൻ സംസ്കാരത്തിൽ വലിയ സ്ഥാന മുണ്ട്. തലമുറകളായി തുടർന്നു വരുന്ന കുടുംബബന്ധങ്ങൾ ഇവർക്ക് വളരെ പ്രധാനപ്പെട്ടതാണ്. മുതിർന്നവരെ ബഹുമാനിക്കുന്നത് ഇവിടുത്തെ ഒരു പ്രധാന ആചാരമാണ്.
പരമ്പരാഗത വസ്ത്രങ്ങൾ: 
താജിക്കി ജനതയുടെ പരമ്പരാഗത വസ്ത്രങ്ങൾ വളരെ വർണ്ണാഭ മായതാണ്. സ്ത്രീകൾ നീളൻ വസ്ത്രങ്ങളും തലപ്പാവും ധരി ക്കുന്നു. ഓരോ പ്രദേശത്തിനും അതിന്റേതായ പ്രത്യേകതകളുണ്ട്. പുരുഷന്മാർ പരമ്പരാഗതമായ തൊപ്പിയും നീണ്ട കുപ്പായങ്ങ ളുമാണ് സാധരണ ധരിക്കുന്നത്. സംഗീതവും കലയും:
താജിക്കിസ്ഥാൻ സംസ്കാരത്തിൽ സംഗീതത്തിനും നൃത്തത്തിനും വലിയ സ്ഥാനമുണ്ട്. ‘ഫലക്’ എന്നറിയപ്പെടുന്ന പരമ്പരാഗത സംഗീത രൂപം രാജ്യത്തിന്റെ സാംസ്കാരിക പൈതൃകത്തിന്റെ ഭാഗമാണ്. ഇത് ആത്മീയവും ഗൗരവമേറിയതുമായ ഗാനങ്ങ ളാണ്. ഇവിടുത്തെ കലാരൂപ ങ്ങളിലും വസ്ത്രധാരണത്തിലും പേർഷ്യൻ സ്വാധീനം വ്യക്തമാണ്.
ഭക്ഷണം: 
ഓഷ് (Osh) അഥവാ പുലാവ് ആണ് താജിക്കിസ്ഥാന്റെ ദേശീയ ഭക്ഷണം. അരി, ഇറച്ചി (സാധാരണയായി ആട്ടിറച്ചി), കാരറ്റ്, ഉള്ളി എന്നിവ ചേർത്താണ് ഇത് ഉണ്ടാക്കുന്നത്. കൂടാതെ, ഷാഷ്‌ലിക് (കബാബ്), ഷുർപോ (സൂപ്പ്), ഖുരുട്ട് (പുളിപ്പിച്ച പാലുൽപ്പന്നം) എന്നിവയും ഇവിടുത്തെ പ്രധാന വിഭവങ്ങളാണ്. അതിഥികളെ വീട്ടിലേക്ക് ക്ഷണിക്കുകയും ഭക്ഷണം നൽകുകയും ചെയ്യുന്നത് ഇവിടുത്തെ സംസ്കാരത്തിന്റെ പ്രധാനഭാഗമാണ്. വിവാഹരീതിയും സൽക്കാരങ്ങളും
താജിക്കിസ്ഥാനിലെ വിവാഹ ങ്ങൾക്ക് അതിൻ്റേതായ പാരമ്പര്യ ങ്ങളും പ്രത്യേകതകളുമുണ്ട്. താജിക്കിസ്ഥാൻ ജനതയുടെ ജീവിതത്തിലെ ഏറ്റവും പ്രധാനപ്പെട്ട ഒരു ചടങ്ങായിട്ടാണ് വിവാഹത്തെ കണക്കാക്കുന്നത്. ഇസ്‌ലാമിക ആചാരങ്ങളും പ്രാദേശിക പാരമ്പര്യങ്ങളും ഇതിൽ ഒത്തുചേരുന്നു.
പ്രധാന വിവാഹരീതികൾ
കുടുംബങ്ങൾ തമ്മിലുള്ള ധാരണ (Matchmaking): താജിക്കിസ്ഥാനിൽ ഭൂരിഭാഗം വിവാഹങ്ങളും നടത്തു ന്നത് കുടുംബങ്ങൾ തമ്മിലുള്ള ധാരണയിലാണ്. വധുവിനെയും വരനെയും തിരഞ്ഞെടുക്കുന്നതിൽ മാതാപിതാക്കൾക്കും മുതിർന്ന വർക്കും വലിയ പങ്കുണ്ട്. പരമ്പരാഗതമായി, വരന്റെ വീട്ടുകാർ വധുവിനെ കാണാനും സംസാരിക്കാനും അവരുടെ വീട്ടിൽ പോകുന്നു. വധുവിൻ്റെ കുടുംബ ത്തിൻ്റെ പശ്ചാത്തലം, സ്വഭാവം, വിദ്യാഭ്യാസം എന്നിവയെല്ലാം ഈ കൂടിക്കാഴ്ചയിൽ പരിഗണിക്കാറുണ്ട്.
സൽക്കാരങ്ങളും ആഘോഷങ്ങളും:
വിവാഹത്തിനു മുൻപ് ചെറുതും വലുതുമായ നിരവധി സൽക്കാര ങ്ങൾ നടക്കാറുണ്ട്. വിവാഹ നിശ്ചയം മുതൽ വിവാഹം വരെയുള്ള ദിവസങ്ങളിൽ ഇരു കുടുംബങ്ങളും സൗഹൃദം ഊട്ടിയുറപ്പിക്കാനും അതിഥികളെ സ്വീകരിക്കാനും ഇത്തരം ചടങ്ങുകൾ ഉപയോഗിക്കുന്നു. ഇതിൽ പരമ്പരാഗതമായ സംഗീതവും നൃത്തവും ഉൾപ്പെടുന്നു.
വസ്ത്രങ്ങളും ആഭരണങ്ങളും: 
താജിക്കിസ്ഥാനിലെ വിവാഹ വസ്ത്രങ്ങൾ വളരെ ആകർഷ കമാണ്. വധു പരമ്പരാഗതമായ, വർണ്ണാഭമായ വിവാഹ വസ്ത്രങ്ങ ളാണ് ധരിക്കുക. ചുവപ്പ്, പച്ച, സ്വർണ്ണനിറത്തിലുള്ള വസ്ത്രങ്ങൾ സാധാരണമാണ്. വധുവിൻ്റെ വസ്ത്രങ്ങൾ തുന്നുന്നതും അതിൽ പ്രത്യേക എംബ്രോയ്ഡറി വർക്കുകൾ ചെയ്യുന്നതും ഒരു കലാരൂപമായി കണക്കാക്കുന്നു.
വിവാഹച്ചടങ്ങ് (Nikah): 
വിവാഹച്ചടങ്ങ് ഇസ്‌ലാമിക രീതിയി ലുള്ള നിക്ക (Nikah) ചടങ്ങാണ്. പള്ളിയിലോ വീട്ടിലോ വെച്ച് മതപണ്ഡിതൻ്റെ സാന്നിധ്യത്തിൽ വിവാഹം നടത്തുന്നു. ഇതിൽ വധുവും വരനും വിവാഹ ഉടമ്പടിയിൽ ഒപ്പുവെയ്ക്കുന്നു.
വിരുന്ന് സൽക്കാരം (To’y): 
നിക്കക്ക് ശേഷം വലിയൊരു വിരുന്ന് സൽക്കാരം നടത്തുന്നു. ഇതിനെ ‘ടോയ്’ (To’y) എന്ന് വിളിക്കുന്നു. കുടുംബാംഗങ്ങളും സുഹൃത്തുക്കളും അയൽക്കാരും ഉൾപ്പെടെ നൂറുകണക്കിന് ആളുകൾ ഈ വിരുന്നിൽ പങ്കെടു ക്കാറുണ്ട്. പരമ്പരാഗതമായ ഭക്ഷണവിഭവങ്ങളും സംഗീതവും നൃത്തവും ഈ വിരുന്നിൻ്റെ ഭാഗ മാണ്. ഓഷ് (പുലാവ്) പോലുള്ള വിഭവങ്ങളാണ് പ്രധാനമായും വിളമ്പുന്നത്.
താജിക്കിസ്ഥാനിലെ വിവാഹങ്ങൾ കേവലം രണ്ട് വ്യക്തികളുടെ കൂടിച്ചേരൽ മാത്രമല്ല, മറിച്ച് രണ്ട് കുടുംബങ്ങളും സമൂഹവും തമ്മിലുള്ള ബന്ധം ശക്തിപ്പെടു ത്തുന്ന ഒരു പ്രധാന സാംസ്കാരിക ആഘോഷം കൂടിയാണ്. ആധുനിക കാലഘട്ടത്തിലും ഈ പരമ്പരാഗത രീതികൾക്ക് ഇവർ വലിയ പ്രാധാന്യം നൽകുന്നു. ചകാൻ (Chakan):
ചകാൻ (Chakan) താജിക്കിസ്ഥാ നിലെ സ്ത്രീകൾ പരമ്പരാഗതമായി ചെയ്യുന്ന ഒരു എംബ്രോയ്ഡറി കലാരൂപമാണ്.താജിക്കിസ്ഥാൻ്റെ സാംസ്കാരിക പൈതൃകത്തിൻ്റെ ഒരു പ്രധാന ഭാഗമായ ചകാൻ 2018-ൽ യുനെസ്കോയുടെ ലോക പൈതൃക പട്ടികയിൽ ഇത് ഇടം നേടി. താജിക്കിസ്ഥാനിലെ സ്ത്രീകൾ നൂറ്റാണ്ടുകളായി ഈ കലാരൂപം അഭ്യസിച്ചുവ രുന്നു.ചകാൻ പ്രധാനമായും പരുത്തി, സിൽക്ക് തുണിത്തര ങ്ങളിൽ ചെയ്യുന്ന ഒരു എംബ്രോ യ്ഡറിയാണ്. തിളക്കമുള്ളതും വർണ്ണാഭമായതുമായ നൂലുകൾ ഉപയോഗിച്ചാണ് ഇതിൻ്റെ രൂപകൽപ്പന. പുഷ്പങ്ങൾ, സസ്യങ്ങൾ, മൃഗങ്ങൾ, പക്ഷികൾ തുടങ്ങിയ പ്രകൃതിദത്ത രൂപങ്ങളാണ് ഇതിൽ പ്രധാനമായും ഉപയോഗിക്കുന്നത്. ഭരണസംവിധാനം
താജിക്കിസ്ഥാൻ ഒരു പ്രസിഡൻ ഷ്യൽ റിപ്പബ്ലിക് ആണ്. പ്രസിഡൻ്റിനാണ് ഭരണത്തിൻ്റെ അധികാരം കൂടുതലും. താജിക്കി സ്ഥാൻ്റെ ഭരണ സംവിധാനത്തിന് മൂന്ന് പ്രധാന ഘടകങ്ങളുണ്ട്.
നിയമനിർമ്മാണ സഭ (പാർലമെന്റ്): താജിക്കിസ്ഥാൻ പാർലമെൻ്റിന് രണ്ട് സഭകളുണ്ട്:
മജ്‌ലിസി മില്ലി (Majlisi Milli): ഉയർന്ന സഭ. ഇതിലെ അംഗങ്ങളെ പ്രാദേശിക കൗൺസിലുകൾ തിരഞ്ഞെടുക്കുകയും പ്രസിഡൻ്റ് നിയമിക്കുകയും ചെയ്യുന്നു.
മജ്‌ലിസി നമോയന്ദാഗാൻ (Majlisi Namoyandagon): താഴ്ന്ന സഭ. ഇതിലെ അംഗങ്ങളെ ജനങ്ങൾ നേരിട്ട് തിരഞ്ഞെടുക്കുന്നു.
പ്രവർത്തനം: നിയമനിർമ്മാണം, നിയമങ്ങൾക്ക് അംഗീകാരം നൽകുക, ബജറ്റ് പാസാക്കുക തുടങ്ങിയവയാണ് ഇവരുടെ പ്രധാന ചുമതലകൾ.
ഭരണനിർവഹണ സഭ:
പ്രസിഡൻ്റ്: രാഷ്ട്രത്തലവൻ എന്ന നിലയിൽ ഭരണനിർവഹണത്തിൻ്റെ ചുമതല വഹിക്കുന്നു.
പ്രധാനമന്ത്രി: പ്രസിഡൻ്റിന് കീഴിൽ മന്ത്രിസഭയുടെ തലവനായി പ്രവർത്തിക്കുന്നു.
നീതിന്യായ സംവിധാനം:
സുപ്രീം കോടതി: രാജ്യത്തിലെ ഏറ്റവും ഉയർന്ന കോടതിയാണിത്.
ഭരണഘടനാ കോടതി: ഭരണഘടനാപരമായ വിഷയങ്ങൾ കൈകാര്യം ചെയ്യുന്നു.
ഹയർ എക്കണോമിക് കോടതി: സാമ്പത്തിക തർക്കങ്ങൾ പരിഹരിക്കുന്ന ഹയർ എക്കണോ മിക് കോടതിതാജിക്കിസ്ഥാൻ്റെ ഭരണ സംവി ധാനം പ്രസിഡൻ്റ് കേന്ദ്രീകരിച്ചുള്ള താണ്. രാഷ്ട്രീയ സ്ഥിരതനിലനിർ ത്തുന്നതിൽ ഈ സംവിധാനംഒരു പ്രധാന പങ്ക് വഹിക്കുന്നു.
പ്രധാന ടൂറസ്റ്റ്കേന്ദ്രങ്ങൾ
മനോഹരമായ പർവതനിരകളും തടാകങ്ങളും പുരാതന ചരിത്രപ്രധാ നമായ സ്ഥലങ്ങളും ഈ രാജ്യത്തെ ഒരു മികച്ച യാത്രാ അനുഭവം നൽകുന്നു.
നപാംഗിർ പർവതനിരകൾ (Pamir Mountains): 
“ലോകത്തിൻ്റെ മേൽക്കൂര” എന്ന് അറിയപ്പെടുന്ന പാംഗിർ പർവത നിരകൾ സാഹസിക യാത്രികരുടെ പറുദീസയാണ്. ഇവിടെ ട്രെക്കിംഗ്, ഹൈക്കിംഗ്, പർവതാരോഹണം എന്നിവയ്ക്കുള്ള മികച്ച അവസ രങ്ങളുണ്ട്. പാംഗിർ ഹൈവേയി ലൂടെയുള്ള യാത്ര ലോകത്തിലെ ഏറ്റവും മനോഹരമായ റോഡ് യാത്രകളിൽ ഒന്നായി കണക്കാ ക്കപ്പെടുന്നു. മഞ്ഞുമൂടിയ കൊടുമുടികളും മനോഹരമായ താഴ്‌വരകളും ഈ പ്രദേശത്തിൻ്റെ സൗന്ദര്യം വർദ്ധിപ്പിക്കുന്നു. ഇസ്കന്ദർകുൾ തടാകം (Iskanderkul Lake): 
അലക്സാണ്ടർ ദി ഗ്രേറ്ററിൻ്റെ പേരിൽ അറിയപ്പെടുന്ന ഈ തടാകം താജിക്കിസ്ഥാനിലെ ഏറ്റവും മനോഹരമായ സ്ഥല ങ്ങളിൽ ഒന്നാണ്. ഫാൻ പർവത ങ്ങളുടെ താഴ് വരത്തിൽ സ്ഥിതി ചെയ്യുന്ന ഈ തടാകത്തിന് ചുറ്റും പച്ചപ്പ് നിറഞ്ഞ താഴ് വരകളും വെള്ളച്ചാട്ടങ്ങളും കാണാം. ഈ തടാകത്തിന് മുകളിൽ സ്ഥിതി ചെയ്യുന്ന ‘സ്നേക്ക് തടാകം’ എന്നറിയപ്പെടുന്ന മറ്റൊരു വളരെ ആകർഷകമാണ്.
ദുഷാൻബെ (Dushanbe):
താജിക്കിസ്ഥാൻ്റെ തലസ്ഥാനമായ ദുഷാൻബെ ആധുനികതയും പാര മ്പര്യവും ഒത്തുചേരുന്ന നഗരമാണ്. ഇവിടെയുള്ള ദുഷാൻബെ ഫ്ലാഗ്പോൾ ലോകത്തിലെ ഏറ്റവും ഉയരം കൂടിയ പതാകത്തറകളിൽ ഒന്നാണ്. കൂടാതെ, റൂദാക്കി പാർക്ക്, ഇസ്മായിൽ സമാനിയുടെ സ്മാരകം, നാഷണൽ മ്യൂസിയം ഓഫ് താജിക്കിസ്ഥാൻ എന്നിവയും സന്ദർശകരെ ആകർഷിക്കുന്ന പ്രധാന സ്ഥലങ്ങളാണ്.
ഫാൻ പർവതങ്ങൾ (Fan Mountains): 
ട്രെക്കിംഗിനും പർവതാരോ ഹണത്തിനും പേരുകേട്ട മറ്റൊരു സ്ഥലമാണ് ഫാൻ പർവതങ്ങൾ. ഈ പർവതനിരകളിൽ നിരവധി മനോഹരമായ തടാകങ്ങളും ട്രെക്കിംഗ് റൂട്ടുകളുമുണ്ട്. ‘അലാവുദ്ദീൻ തടാകങ്ങൾ’ എന്നറിയപ്പെടുന്ന തടാകങ്ങളുടെ കൂട്ടം ഇവിടുത്തെ പ്രധാന ആകർഷണങ്ങളിൽ ഒന്നാണ്.
ഖുജന്ദ് (Khujand): 
പുരാതന സിൽക്ക് റൂട്ടിൻ്റെ ഭാഗമായിരുന്ന ഈ നഗരം താജിക്കിസ്ഥാനിലെ ഏറ്റവും പഴക്കമുള്ള നഗരങ്ങളിൽ ഒന്നാണ്.
നാഷണൽ മ്യൂസിയം ഓഫ് താജിക്കിസ്ഥാൻ
താജിക്കിസ്ഥാൻ്റെ തലസ്ഥാനമായ ദുഷാൻബെയിലാണ് ഈ മ്യൂസിയം സ്ഥിതി ചെയ്യുന്നത്. നഗരത്തിൻ്റെ മധ്യഭാഗത്തുള്ള രുദാക്കി പാർക്കിന് സമീപമാണിത്.താജിക്കിസ്ഥാൻ്റെ ചരിത്രം, സംസ്കാരം, പ്രകൃതി, കല എന്നിവയെക്കുറിച്ചുള്ള സമ്പൂർണ്ണ വിവരങ്ങൾ ഈ മ്യൂസിയം നൽകുന്നു. 22 ഗാലറികളിലായി ഏകദേശം 50,000-ത്തിലധികം പ്രദർശനവസ്തുക്കൾ ഇവിടെ യുണ്ട്. ഓരോ ഗാലറിയും രാജ്യ ത്തിൻ്റെ ചരിത്രത്തിൻ്റെയും സംസ്കാരത്തിൻ്റെയും ഓരോ കാലഘട്ടത്തെ പ്രതിനിധീക രിക്കുന്നു.
റുദാക്കി പാർക്ക് (Rudaki Park)
ദുഷാൻബെ നഗരത്തിൻ്റെ ഹൃദയഭാഗത്താണ് ഈ പാർക്ക് സ്ഥിതി ചെയ്യുന്നത്. താജിക് പേർഷ്യൻ കവിയായിരുന്ന അബു അബ്ദുല്ല റുദാക്കിക്ക് സമർപ്പിച്ചിട്ടുള്ളതാണ് ഈ പാർക്ക്.മനോഹരമായി പരിപാലിക്കപ്പെട്ട പുൽത്തകിടികൾ, പൂന്തോട്ടങ്ങൾ, ജലധാരകൾ, അതുപോലെതന്നെ റുദാക്കിയുടെ വലിയ പ്രതിമ എന്നിവ ഇവിടുത്തെ പ്രധാന ആകർഷണങ്ങളാണ്.
ബൊട്ടാണിക്കൽ ഗാർഡൻ (Botanical Garden)
ദുഷാൻബെ നഗരത്തിൻ്റെ മറ്റൊരു പ്രധാന ആകർഷണമാണ് 40 ഹെക്ടറിലധികം വിസ്തൃ തിയുള്ള ബൊട്ടാണിക്കൽ ഗാർഡൻ. 1930-കളിൽ സ്ഥാപിച്ച ഈ സ്ഥലം സസ്യങ്ങളെ സ്നേഹി ക്കുന്ന വർക്കും വിശ്രമിക്കാനും അനുയോ ജ്യമാണ്.ലോകത്തിൻ്റെ വിവിധ ഭാഗങ്ങളിൽ നിന്നുള്ള 1500-ൽ അധികം സസ്യജാലങ്ങളുടെ ശേഖരവും അനേകം ഔഷധസസ്യ ങ്ങളുടെയും, പക്ഷികളുടെയും ശേഖരം ഇവിടെയുണ്ട്.
വിസയും യാത്രാ നിയമങ്ങളും
വിവിധ രാജ്യങ്ങളിലെ പൗരന്മാർക്ക് താജിക്കിസ്ഥാൻ വ്യത്യസ്ത വിസ നയങ്ങളാണ് പിന്തുടരുന്നത്. സാധാരണയായി, ഇന്ത്യക്കാർ ഉൾപ്പെടെയുള്ള മിക്ക രാജ്യ ക്കാർക്കും താജിക്കിസ്ഥാനിൽ പ്രവേശിക്കുന്നതിന് വിസ ആവശ്യമാണ്.
വിസ അപേക്ഷ:
* താജിക്കിസ്ഥാൻ്റെ വിദേശകാര്യ മന്ത്രാലയം ഓൺലൈൻ വഴി ഇ-വിസ സൗകര്യം നൽകുന്നുണ്ട്.
* ഈ ഇ-വിസ ലഭിക്കുന്നതിന് അപേക്ഷകൻ ഓൺലൈനായി ആവശ്യമായ രേഖകളും വിവരങ്ങളും സമർപ്പിക്കണം.
* അപേക്ഷ അംഗീകരിച്ചാൽ വിസയുടെ പ്രിൻ്റൗട്ട് ഉപയോഗിച്ച് താജിക്കിസ്ഥാൻ വിമാനത്താവളത്തിൽ എത്താം.
