ദുബായ് :-യുഎഇയിൽ മധ്യാഹ്ന അവധി നിലവിൽ വന്നു.നിർമ്മാണ മേഖലയിലെ തൊഴിലാളികൾക്ക് ഉച്ചതിരിഞ്ഞ് 12:30 മുതൽ 15:00 വരെ അവധിയായിരിക്കും. ഇത് 2022 സെപ്റ്റംബർ 15 വരെ പ്രാബല്യത്തിലുണ്ടായിരിക്കും .തൊഴിലാളികൾക്ക് സുരക്ഷിതമായ തൊഴിൽ അന്തരീക്ഷം പ്രദാനം ചെയ്യുന്നതിനും ഉയർന്ന അപകടസാധ്യതകൾ ഒഴിവാക്കുന്നതിനും ലക്ഷ്യമിട്ട് മാനവ വിഭവശേഷി, എമിറേറ്റൈസേഷൻ മന്ത്രാലയം തുടർച്ചയായി 18-ാം വർഷവും പദ്ധതി നടത്തി വരുകയാണ്. തിങ്കൾ മുതൽ ശനി വരെ 8:00 മുതൽ 20:00 വരെ വിവിധ ഭാഷകളിൽ പ്രവർത്തിക്കുന്ന 600590000 എന്ന കോൾ സെന്റർ വഴി നിയമലംഘനത്തെക്കുറിച്ചുള്ള വിവരങ്ങൾ അറിയിയ്ക്കാവുന്നതാണ്.ജോലി തടസ്സമില്ലാതെ തുടരേണ്ട ചില തൊഴിലുകളെയും ജോലികളെയും മധ്യാഹ്ന ഇടവേളയിൽനിന്ന്ഒഴിവാക്കിയിട്ടുണ്ട്. അസ്ഫാൽറ്റ് മിശ്രിതം വിതറുകയോ കോൺക്രീറ്റ് ഒഴിക്കുകയോ ചെയ്യുകയോ പോലുള്ള പ്രോജക്റ്റ് ജോലികൾ ഇതിൽ ഉൾപ്പെടുന്നു.
