അബുദാബി: യുഎഇ 2020-ആരംഭിച്ച ഗോൾഡൻ വിസ സ്കീം, വിദേശ നിക്ഷേപകരെയും, പ്രതിഭാശാലികളായ പ്രവാസികളെയും, ഗവേഷകരേയും, വിദ്യാർത്ഥികളെയും ദീർഘകാല താമസത്തിന് ആകർഷിക്കുന്നതിനു വേണ്ടി യു എ ഇ സർക്കാർ 2020-ൽ ആരംഭിച്ചവിസ സംവിധാനമാണ് ഗോള്‍ഡന്‍ വിസ. വിവിധ മേഖലകളില്‍ കൈയൊപ്പ് ചാര്‍ത്തിയവരേയും മറ്റുമാണ് ഗോള്‍ഡന്‍ വിസയ്ക്കായി തിരഞ്ഞെടുക്കുന്നത്. ഇപ്പോഴിതാ ഗോള്‍ഡന്‍ വിസയുമായി ബന്ധപ്പെട്ട ഒരു പ്രധാന അപ്ഡേറ്റ് പങ്ക് വെച്ചിരിക്കുകയാണ് ഫെഡറല്‍ അതോറിറ്റി ഫോര്‍ ഐഡന്റിറ്റി, സിറ്റിസണ്‍ഷിപ്പ്, കസ്റ്റംസ് ആന്‍ഡ് പോര്‍ട്ട് സെക്യൂരിറ്റി (ഐ സി പി). റിയല്‍ എസ്റ്റേറ്റ് നിക്ഷേപകര്‍ക്കായി പ്രത്യേകം രൂപകല്‍പ്പന ചെയ്ത 10 വര്‍ഷത്തെ യുഎഇ ഗോള്‍ഡന്‍ വിസ നേടുന്നതിനുള്ള പ്രധാന ഘട്ടങ്ങള്‍ ആണ് ഐ സി പി തങ്ങളുടെ ഔദ്യോഗിക വെബ്‌സൈറ്റില്‍ പങ്ക് വെച്ചിരിക്കുന്നത്. പ്രാദേശിക സ്‌പോണ്‍സറുടെ ആവശ്യമില്ലാതെ തന്നെ ദീര്‍ഘകാല റെസിഡന്‍സി വാഗ്ദാനം ചെയ്യുന്നതാണ് ഗോള്‍ഡന്‍ വിസ. ഇത് സംബന്ധിച്ച വിശദാംശങ്ങള്‍ പരിശോധിക്കാം.
ഐ സി പി പ്രകാരം, യു എ ഇയില്‍ ഒന്നോ അതിലധികമോ സ്വത്തുക്കള്‍ സ്വന്തമാക്കിയിട്ടുള്ള വ്യക്തികള്‍ക്ക് ഗോള്‍ഡന്‍ വിസ ലഭ്യമായിരിക്കും. എന്നാല്‍ അവര്‍ ഇനി പറയുന്ന മാനദണ്ഡങ്ങള്‍ പാലിക്കുന്നവരായിരിക്കണം. കുറഞ്ഞത് 2 മില്യണ്‍ ദിര്‍ഹം വിലയുള്ള പൂര്‍ണ ഉടമസ്ഥത യിലുള്ള പ്രോപ്പര്‍ട്ടി ഉള്ളവരാ യിരിക്കണം അപേക്ഷകര്‍. ബന്ധപ്പെട്ട അതോറിറ്റി അംഗീക രിച്ച ഒരു പ്രാദേശിക ബാങ്ക് വഴി ഇത് പണയപ്പെടുത്താ വുന്നതാണ്.യുഎഇ ആസ്ഥാനമാ യുള്ള അംഗീകൃത ഡെവലപ്പര്‍മാ രില്‍ നിന്ന് പേയ്മെന്റ് പൂര്‍ത്തീ കരണ തെളിവുകള്‍ സഹിതം വാങ്ങിയതാണെങ്കില്‍, കുറഞ്ഞത് 2 മില്യണ്‍ ദിര്‍ഹം മൂല്യമുള്ള ഓഫ്-പ്ലാന്‍ പ്രോപ്പര്‍ട്ടികള്‍ ഉള്ളവരേയും ഗോള്‍ഡന്‍ വിസയ്ക്ക് പരിഗണിക്കും. ഗോള്‍ഡന്‍ വിസ നേടുന്നതിനുള്ളഘട്ടങ്ങള്‍ 
അപേക്ഷകര്‍ അവരുടെ യോഗ്യത നിര്‍ണ്ണയിക്കുന്നതിന് ആദ്യം പ്രാഥമിക നാമനിര്‍ദ്ദേശത്തിനായി അവരുടെ വിവരങ്ങള്‍ സമര്‍പ്പി ക്കണം. വിസ അംഗീകരിച്ചു കഴിഞ്ഞാല്‍ അപേക്ഷകരെ അടുത്ത ഘട്ടങ്ങളിലേക്ക് പോകാന്‍ പ്രാപ്തരാക്കുന്നു. അപേക്ഷകന് നിലവില്‍ യുഎഇ റെസിഡന്‍സി വിസ ഉണ്ടെങ്കില്‍ ഗോള്‍ഡന്‍ വിസയുമായി മുന്നോട്ട് പോകുന്ന തിന് പ്രാഥമിക അംഗീകാരത്തിന് ശേഷം അത് റദ്ദാക്കണം.പിഴകള്‍ തീര്‍പ്പാക്കാത്ത പക്ഷം ഐസിപി അപേക്ഷകന്റെ വിസ സ്റ്റാറ്റസ് സ്വയമേവ അപ്ഡേറ്റ് ചെയ്യും. പിഴകള്‍ നിലവിലുണ്ടെങ്കില്‍ ഒരു പേയ്മെന്റ് ലിങ്ക് അയയ്ക്കും. തീര്‍പ്പാക്കിക്കഴിഞ്ഞാല്‍, മെഡിക്കല്‍ പരിശോധനയ്ക്കായി അപേക്ഷകന് സ്റ്റാമ്പ് ചെയ്ത വിസ പകര്‍പ്പ് ലഭിക്കും. 18 വയസ്സിന് മുകളിലുള്ള അപേക്ഷകര്‍ മെഡി ക്കല്‍ ഫിറ്റ്നസ് പരിശോധനയ്ക്ക് വിധേയരാകുകയും രണ്ട് വര്‍ഷ ത്തെ ആരോഗ്യ ഇന്‍ഷുറന്‍സ് പ്ലാന്‍ നേടുകയും വേണം.ആരോഗ്യ മന്ത്രാലയം അംഗീകരിച്ച കേന്ദ്രങ്ങളിലൂടെയും ദാമന്‍ പോലുള്ള രജിസ്റ്റര്‍ ചെയ്ത ഇന്‍ഷുറന്‍സുകളിലൂടെയും അപേക്ഷ പൂര്‍ത്തിയാക്കിയാല്‍, ഐസിപി എമിറേറ്റ്സ് ഐഡിയും റെസിഡന്‍സി ഇഷ്യുവും സ്വയമേവ പ്രോസസ്സ് ചെയ്യും. അല്ലെങ്കില്‍, രേഖകള്‍ സ്വമേധയാ അപ്ലോഡ് ചെയ്യണം. ആവശ്യമെങ്കില്‍, നല്‍കിയിരിക്കുന്ന ലിങ്ക് വഴി നിയുക്ത ഐസിപി സെന്ററില്‍ വിരലടയാളം ഷെഡ്യൂള്‍ ചെയ്യാന്‍ അപേക്ഷകരോട് ആവശ്യപ്പെടും. എല്ലാ ഘട്ടങ്ങളും പൂര്‍ത്തിയായിക്കഴിഞ്ഞാല്‍, എമിറേറ്റ്സ് ഐഡി രജിസ്റ്റര്‍ ചെയ്ത വിലാസത്തിലേക്ക് എത്തിക്കും. ഗോള്‍ഡന്‍ വിസയുടെ നേട്ടങ്ങൾ
ദീർഘകാല റസിഡൻസി 5 അഥവാ 10 വർഷം വരെ താമസാവകാശം.
സ്പോൺസർ ആവശ്യമില്ല ഒരു എംപ്ലോയറുടെ സ്പോൺസർഷിപ്പ് ഇല്ലാതെ സ്വതന്ത്ര താമസം.
കുടുംബാംഗങ്ങൾക്ക് വിസ ഭാര്യ, മക്കൾ, വീട് സ്റ്റാഫ് എന്നിവർക്കും വിസ ലഭിക്കും.
സ്വാതന്ത്ര്യവും സുരക്ഷയും ബിസിനസ്, നിക്ഷേപം, വിദ്യാഭ്യാസം എന്നിവയിൽ വലിയ സ്വാതന്ത്ര്യം.
ആർക്ക് ലഭിക്കും?
ഉയർന്ന നിക്ഷേപകരും ബിസിനസുകാരും - മെഡിക്കൽ, സയൻസ്, എഞ്ചിനീയറിംഗ് വിദഗ്ധർ - ഗവേഷകരും അത്യുത്കൃഷ്ട വിദ്യാർത്ഥികളും - കലാ-സാംസ്കാരിക പ്രതിഭകൾ
ഗോൾഡൻ വിസ യുഎഇയിൽ ജീവിതത്തിലും ജോലിതിലും സുരക്ഷയും സ്ഥിരതയും നൽകുന്ന ഒരു വലിയ അവസരമാണ്.
