ദുബായ് :യു എ ഇയിലെവിവിധ ഭാഗങ്ങളിൽ ശക്തമായ പൊടിക്കാറ്റടിക്കുന്നു . നാഷണൽ സെന്റർ ഓഫ് മെറ്റീരിയോളജി (NCM) പ്രകാരം രാജ്യത്തിന്റെ വിവിധ ഭാഗങ്ങളിൽ ശക്തമായപൊടിക്കാറ്റടിക്കുന്നു. മണിക്കൂറിൽ 40 കിലോമീറ്റർ വേഗതയിൽ വീശുന്ന കാറ്റ് പൊടിപടലങ്ങൾ ഇളക്കിവിടുമെന്നും ചില പ്രദേശങ്ങളിൽ ദൃശ്യപരത 2000 മീറ്ററിൽ താഴെയായി കുറയുമെന്നും എൻസിഎം മുന്നറിയിപ്പ് നൽകി. ഇന്ന് വൈകുന്നേരം 6 മണി വരെയാണ് ജാഗ്രതാ നിർദ്ദേശം.ദുബായ്, ഷാർജ എന്നിവിടങ്ങളിലെ ചില ഭാഗങ്ങളിൽ തിങ്കളാഴ്ച ഉച്ചയോടെ യുഎഇയുടെ ചില ഭാഗങ്ങളിൽ ശക്തമായ കാറ്റും പൊടിക്കാറ്റും അനുഭവപ്പെട്ടു.ദുബായിലും അബുദാബിയിലും താപനില 24 ഡിഗ്രി സെൽഷ്യസായി താഴാം. തലസ്ഥാനത്ത് മെർക്കുറി 35 ഡിഗ്രി സെൽഷ്യസ് വരെ ഉയരാം.
