അമർനാഥ് : – കശ്മീരിൽ വെള്ളപ്പൊക്കം 16 പേർ മരിച്ചു, നിരവധി ആളുകളെ കാണാതായി.ശനിയാഴ്ച പുലർച്ചെ നാല് മണിയോടെ ദോഡ ജില്ലയിലെ ഗുണ്ടി വനമേഖലയിലെ അമർനാഥ് ഗുഹാക്ഷേത്രത്തിന് സമീപം ശനിയാഴ്ചയുണ്ടായ അതി ശക്തമായ മഴയിലും വെള്ളപ്പെക്കത്തിലും ഹിന്ദു തീർത്ഥാടന കേന്ദ്രത്തിന് സമീപമുള്ള നൂറുകണക്കിന് ടെന്റുകൾ ഒലിച്ചുപോയി. പതിനായിരത്തോളം ആളുകൾ ക്യാമ്പ് ചെയ്യുകയായിരുന്നു ടെന്റുകളിൽ അധികവും പെട്ടെന്നുണ്ടായ വെള്ളപ്പൊക്കത്തിൽ ഒലിച്ചു പോയാണ് അപകടം ഉണ്ടായത്.
ഞങ്ങൾ ഇതുവരെ 16 മൃതദേഹങ്ങൾ കണ്ടെത്തി, കുറഞ്ഞത് 40 പേരെ കാണാനില്ല,” സംസ്ഥാന ദുരന്ത പ്രതികരണ ഏജൻസിയിലെ ഉദ്യോഗസ്ഥൻ പറഞ്ഞു.
“സുരക്ഷാ സേനയും എല്ലാ രക്ഷാസംഘങ്ങളും കാണാതായവർക്കും പരിക്കേറ്റവർക്കും വേണ്ടി തിരയുകയാണ്,” മാധ്യമങ്ങളോട് സംസാരിക്കാൻ അധികാരമില്ലാത്തതിനാൽ പേര് വെളിപ്പെടുത്താത്ത ഉദ്യോഗസ്ഥൻ പറഞ്ഞു.സെർച്ച് ആൻഡ് റെസ്ക്യൂ ഡോഗ് സ്ക്വാഡുകൾക്കൊപ്പം തിരച്ചിലിൽ സഹായിക്കാൻ രണ്ട് ഇൻഫൻട്രി ബറ്റാലിയനുകളും പ്രത്യേക സേനാ യൂണിറ്റുകളും വിന്യസിച്ചതായി സൈന്യം അറിയിച്ചു.
ദേവാലയത്തിന് സമീപമുള്ള മലനിരകളിൽ സൈന്യം സ്ഥാപിച്ച ഫീൽഡ് ഹോസ്പിറ്റലിൽ ഉൾപ്പെടെ പരിക്കേറ്റ 63 പേരെ അവർ ഇതുവരെ ചികിത്സയ്ക്കായി കൊണ്ടുപോയി.ചെളിയിൽ കുടുങ്ങിയവരെ കണ്ടെത്താൻ രക്ഷാപ്രവർത്തകർ ഹാൻഡ്‌ഹെൽഡ് തെർമൽ ഇമേജിംഗ് ഉപകരണങ്ങൾ ഉപയോഗിക്കുന്നുണ്ടെന്ന് സൈനിക പ്രസ്താവനയിൽ പറയുന്നു
